Thursday, April 20, 2017

කුනු සහ මී ෙතාටමුල්ල කුනු කන්ද

කුනු සහ කුඩු යනු දේශපාලනඥයින් සමගම ගැවසෙන මාතෘකාවක් . මේ කුනු ප්‍රශ්නයද සාම්ප්‍රදායික දේශපාලන වාසි ගැනීමේ ක්‍රියාන්විතයක් ආරම්භ කර ඇත. ⁣කොළඹ නගර සභාව එදා පටන් එ.ජා.ප. කිව්වම ශ්‍රී.ල.නි.ප.ය සම්පූර්ණයෙන්ම අහිංසකය. චන්ද්‍රිකා, මහින්ද එකල රට පාලනය කලද මේ කියන විදියට කොළඹ නගර සභාවේ පාලනය ඒ දෙදෙනාගේම පාලනයෙන් තොරව සිදුවී ඇත. ගෝඨාභය මෙය විසඳීමට උස්සාහ ගන්නකොටම ආන්ඩුව පෙරලුන නිසා ආන්ඩුව පෙරලූ ජනතාව වැරදිය. ජ.වි.පෙ මේ කුනු කන්ද සමනොල කන්දක් කරගෙන ජනතාව කුපිත කරවාවි. මේ පිලිබද පුවත්පත් කුනු කන්ද නාය ගිය බව දැක්කද දවල් 1සිට මධ්‍යම රාත්‍රීය තෙක් මිනිසුන් සුන්බුන් වලට යටවී අධික දුඟදේ ජීවිතය ඉල්ලා හඬාවැටෙන බවත් ජීවිත බේරාගැනීමට එක්ස්කැවේටර් අවශ්‍ය බව පුවත්පත් වල නොදුටු නිසා මෛත්‍රීපාල ජනාධිපති නිදහස්ය. අනික මැරුන අයට, මැරෙන්න පන අදින අයට වඩාහෙට හිස තෙල්ගෑමේ උත්සවය සංඝ සභාව සමඟ මහනුවර දී සැමරීම ජාතික අවශ්‍යතාවය නිසාය. මෙගා පොලිස් බාර පාඨලී වැඩ දීර්ඝකාලීන සැලසුම් සකසමින් සිටියද දැනුම්දීමකින් තොරව කන්ද කඩා වැටීම නිසාත් කන්ද අවට මිනිසුන් පාඨලීගේ විද්‍යාත්මක ක්‍රමවේද සකසනකම් ඉවසා නොසිටීම නිසාත් වරද හික්මීමක් නැති කසල කන්දේය. ජපානයේ සිටින රනිල්ට කීමට ඇත්තේ දෙමල ඩයස්ෆෝරාවට හෝ සංහිඳියාවට මෙය අඳාල නොවන නිසා ජාත්‍යන්තරය මෙය ගණන් නොගන්නා නිසා මැරුන අයට very sorry කියා රජයේ වියදමින් මිහිදන් කිරීමට මුදල් නිකුත් කිරීමට නියෝග දීම පමණි. මරික්කාර්ට කීමට ඇත්තේ ඔහු කුනු කන්දෙන් චන්දය දිනුවද ආන්ඩුව 2020 දී වෙනස් කර කුනු කන්ද ඉවත් කරන්න ගත් උත්සාහය දෙවියන්ගේ කැමැත්ත මත විනිශ්චය වී ඇති බවයි. 


හිරුනිකාට මේ ගැන හිරිකිතයක් නැත්තේ මේකට දුමින්ද සිල්වාගේ සම්බන්ධයක් පටලවන්නම බැරිම නිසාය. අවසානයේ සියලුම මාධ්‍ය එකාමෙන් රතුපස්වල සිද්ධිය , වෙළඳ කලාපේ රොෂේන් චානක සිද්ධිය වගේ ලොකූ ප්‍රචාරයක් දී තත්වය වෙනතකට යොමු කරවාවි. අවතැන් වූවන්ට අනාගතයේ නිවාස සංකීර්ණයක සුවපහසු හීනයක් සජිත් ප්‍රේමදාස ⁣මවා පෑවම මලවුන් පරලොවට නිවටුන් සිහිනලොවකද සැතපෙනු ඇත. සියලුම මින් වාසි ගන්නා දේශපාලන ,රාජ්‍ය බලධාරීන්ට මෙය සාපයක් නොවේවිද?

Tuesday, November 10, 2015

ගොසිප් නිව්ස් වලින් යටි සිත සන්තර්පනය කිරීම


 අත්‍යාවශ්‍ය දේට වඩා අනවශ්‍යදේ පිළිබද  ඕනෑවට වඩා ජනතා අවධානය යොමු කිරීම, කතා කිරීම, සංවාද කිරීම රටක ජාතියක අනාගතය සහ ඵලදායීතාව නැති කරන ප‍්‍රධාන කරුණකි. මෑත කාලයේ සියඵම ජනමාධ්‍ය එකිනෙකා පරයා යෑමට මේ වාචාල ප‍්‍රවෘත්ති දඩයමේ යාම සුලභව දක්නට ලැබෙන කරුණකි. අතීතයේ සිටි කරුණාරත්න අබේසේකර, ලලිත් එස්. මෛත‍්‍රීපාල, පේ‍්‍රමකීර්ති ද අල්විස් වැන්නවුන් මාධ්‍ය හැසිරවීමේදී ඔවුන් භාවිතා කල භාෂා කෞෂල්‍යය සහ ඔවුන්ගේ හ`ඩ පාලනය ප‍්‍රවෘත්තියක ඇති වටිනාකම හා සිංහල භාෂාවේ ප්‍රෞඩත්වය මැනවින් පේ‍්‍රක්ෂකයන්ට දැනෙන ලෙස ප‍්‍රකාශ කලහ. මොවුන් කිසි විටක වෙනත් භාෂාවක වචන කථනය සදහා යොදා ගත්තේද නැත.  වැරදීමකින් හෝ වෙනත් භාෂාවක් හෝ දෝෂයක් සිදු වුවහොත් එකල සිටි නිවේදකයින් හට නිදහසට කරුණු විමසීමක් හා නිතර වැරදීම් සිදු කරන්නේ නම් ඔවුන් එම කටයුත්තෙන් ඉවත් කිරීමටද බලධාරීහු කටයුතු කලහ. 
පසු කාලීනව එෆ්.එම්. නාලිකා ආරම්භයත් සමග ප‍්‍රවෘත්තියෙන් රටට ඇති වටිනා කමට වඩා එම ප‍්‍රවෘත්තිය පල කිරීමෙන් මෙම නාලිකාවන්ට ලැබෙන ආර්ථික ලාභය හෝ තම දේශපාලන හෝ වෙනත් පටු අභිමථාර්තයන් ඉටු කර ගැනීමෙන් ඇති වන වාසිය ගැනම පමණක් සිතීමට පෙලඹී තිබේ. වසර 30කට පෙර ඉරිදා පුවත් පතක පිටු 24ක් පමණ විය. එහි ඇති හරවවත් ලිපි කියවීමට දින දෙක තුනක් පමණ ගත විය. අද ඉරිදා පුවත් පතක බර කිලෝ ග්?ම් ගණනකි. එහි වෙළද දැන්වීම් හැරුන කොට කියවීමට ඇත්තේ විනාඩි ගණනක තොරතුරුය.
අද මාධ්‍යයේ සාකච්ඡුා වන්නේ එල්ලූම් ගස අවශ්‍යද යන්නය. නමුත් සිදු විය යූත්තේ නීතිය හරි හැටි කි‍්‍රයාත්මක වීමය. නීතිය ක‍්‍රියාත්මක නොවන රටක එල්ලූම් ගස ක‍්‍රියාත්මක වුවහොත් අසරනයින් කොපමනක් එල්ලා මරාවිද? මේ මාධ්‍ය රැුල්ල අද ජීවිත බිලි ගන්නා මාෆියාවක් වී ඇතත් එයට එරෙහි වීමට දේශපාලන බලඅධිකාරියටද නොහැකි වී තිබේ.  ඒ දේශපාලකයාගේ අනාගතයද තීරණය කිරීම ඡුන්දදායකයා වෙනුවට මාධ්‍යකරුවා පැහැර ගැනීම නිසාය. 
අද පුවත් පතක් යනු ලේ ගංගාවකි. විෂමාචාර, අපචාර, මිත්‍යා විශ්වාස වපුරන සශ‍්‍රීක හේනකි. උදෑසන ගුවන් විදුලියෙන්, රූපවාහිනියෙන් හෝ පුවත් පතකින් උදෑසන අප අසන්නේ කියවන්නේ කුමක්ද? 
සිත සැනසෙන ගත පුබුදන වදනක්...... නැත.
ඔබේ සිතට අවශ්‍ය වන්නේ ප‍්‍රචන්ඩත්වයද, සෞභ්‍යාග්‍යයද? ඔබ වපුරන දේ ඔබට අස්වැන්නක් ලෙස ලැබේවි. ඔබ ගුවන් විදුලියෙන්, රූපවාහිනියෙන් හෝ පුවත් පතකින් හිමිදිරියේ ඔබේ නිවුන මනසට ඇතුලත් කරගන්නේ අසහනකාරී වැඩකට නැති තොරතුරු නම් ඒවා ඔබේ මනස ප‍්‍රතික්ෂේප කරනු ඇත. නමුත් ඔබ අකමැති යයි කීවද ඔබේ මනස කොටස් තුනකින් සමන්විත වන නිසා Id,ego,super ego ඉන් ප‍්‍රචන්ඩත්වයට ආසා කරන ඔබේ id දල සිත මෙය රස විදීමට රුචියක් ඇති කරනු ඇත. මේ නිසා සමහර අය මේ කටයුතු වලට විරුද්ධ ලෙස තව කෙනෙකු හා කතා කරමින් යටි සිත සන්තර්පනය කරුනු ඇත. කාර්යාල විවේකාගාර වල කාන්තාවන් සිටින ස්ථාන වල ලිංගික අපරාධ ගැන වැඩියෙන් කතා බහ කරන්නේ මෙවැනි පුද්ගලයින්ය. මෙය මුලදී රෝගී තත්වයක් නොවුනත් පසු කාලීනව රෝගී තත්වයක් බවටද පත්විීමට  පුඵවන. මෙසේ තම සිත විකෘති කර ගන්නා පුද්ගලයා තව කිහිප දෙදෙකුගේ මනසද ව්‍යාකූල කරයි.


මෙවැනි අශුභවාදී සිතුවිලි යටි සිතේ දරාගෙන තම දෛනික කටයුතු ආරම්භ කරන පුද්ගලයෝ තමාට නොදැදුනත් යම් මානසික ව්‍යාකූල තත්වයකින් පීඩනයකින් තමන් ලද තොරතුරු පිළිබ`ද ආවර්ජනය කරමින් තම කටයුතු කිරීම නිසා තමන්ගේ දෛනික කටයුතුද වෛරී ස්වභාවයකින් හා නොරිස්සුම් ස්වභාවයකින්  සිදුකිරීම නිසා අන් අය අතරද අප‍්‍රසාදයට පත් වේ. මෙසේ කාලයක් ගත වෙත්ම මෙවැනි තොරතුරු නිතර ඇසීමටත්, එවැනි අදහස් ඇත්තවුන් සම`ග ඇසුරටත් ඇති වන කැමැත්ත නිසා පසු කාලීනව මෙම පුද්ගලයෝ විවිධ මානසික ගැට`ඵ ඇත්තන් බවටද පත් විය හැක. මේ තත්වයට පත්වන අයටද නැවතත් මාධ්‍යයේ වෙළ`ද පලක් නිර්මානය කර ඇත. ඒ විවිධ වර්ණ රෙදි පොරවාගත් පූජකයින් ලෙස පෙනී සිටිමින් විවිධ ශාන්ති කර්ම, හක්ගෙඩි, යන්ත‍්‍ර මන්ත‍්‍ර, පුද පූජා කරනා කූට වෙළදුන්ය. මේ අයට මුදල් ගෙවා කරන වෙළ`ද වැඩ සටහනක් නොවන ආකාරයට මෙම කටයුත්ත ප‍්‍රචාරය කිරීමට ඉඩ සලසා දීමට පුවත්පත් සහ විද්්‍යුත් මාධ්‍ය ඉතා සූක්ෂම ලෙස කටයුතු යොදා ඇත. හෙට දිනයේ ඔබේ පුතා, දුව යහ`ඵවා, යෙහෙලිය එසේත් නැතහොත් ඔබේම අනාගතය මේ මාධ්‍ය දඩයම් කරුවන් විසින් විනාශ කරනු ඇත. එතෙක් නොසිට ඔබ කල යුත්තේ කුමක්ද? හැකිතාක් මෙවැනි මාධ්‍ය ප‍්‍රසිද්ධියේ ප‍්‍රතික්ෂේප කරන්න. අර්ථාන්විත පොත් ස`ගරා කියවීමට තම දරුවන් සගයින් හුරු කරන්න. තමන්ගේ කාර්යාලයේ නිවසේ කුඩා පුස්තකාලයක් සකසා ගන්න. මානසික හා අධ්‍යාත්මික සංවර්ධනය උදෙසා වූ පත පොතින් රාක්ක පුරවා ගන්න. එම පුස්තකාලයේ මාටින් වික‍්‍රමසිංහ, ජී.බී. සේනානායක, ආචාර්ය ගුනපාල මලලසේකර, මුනිදාස කුමාරතුංග, ඬේවිඞ් කරුණාරත්න, බඹරැුන්දේ සිරිසීවලී හිමි වැනි ප‍්‍රාඥයින් පදිංචි කරවා ගන්න. මොවුන්ගේ පත පොත පරිශීලන කරන විට මා මුලින් ස`දහන් කල ඔබේ මනසේ ඇති id නම් වූ දල සිතෙහි ඇති තරමක් පාලනයෙන් තොරව ඇතිවන සිතුවිලි අවම වී ego අහම්භාවය යථාර්ථවාදීවද super ego  සුපිරි අහම්භාවය නම් සදාචාරාත්මක විවේචනාත්මකව ඇති වන සිතුුවිලි වලින් id අවමව ක‍්‍රියාත්මක වී super ego නිතැතින්ම තම අනසක පතුුරුවනු ඇත. ඉන් ප‍්‍රදර්ශනය වන්නේ තම සිතේ තැන්පත් ප‍්‍රවේගකාරී සිතුවිලි යටපත් කර පුද්ගලයාගේ අධ්‍යාපන, සමාජීය තත්වය පවුල් පරිසරයට මුල් තැන දීමයි. තේරෙන භාෂාවෙන් කිව්වොත් හැගීමට වඩා බුද්ධියෙන් කටයුතු කිරීමට පෙළඹේ.




සමාජයක මූලාරම්භය පවුල් කුටුම්භයෙන් ආරම්භ වන නිසා යහපත් ශිෂ්ඨ සමාජයක් රටක් නිර්මානය කිරීමේ අවශ්‍යතාවයක් ඇති යුගයක ඔබටත් ඒ සදහා ප‍්‍රායෝගිකව දායකවීම ඇති පහසුම ක‍්‍රියාමාර්ගය නම් සමාජයට දොස් නොපවරා තමන්ගේ නිවසින්, කාර්යාලයෙන් මෙවැනි කටයුත්තක් ආරම්භ කිරීමයි. එවිට සමාජයේ ඇති විෂමකාරී ක‍්‍රියාවන් අපට සෘජුව වෙනස් කල නොහැකි වුවත් ඒවාට ප‍්‍රඥාවෙන් මුහුණ දී කටයුතු කිරීමෙන් අපට ඇති වන ගැට`ඵ අවම කොට අන් අයටද ආදර්ශයක් විය හැක. ඊට අමතරව සුන්දර නිවසක දිවි ගෙවීමේ භාග්‍යයද ඔබට හිමි වනු ඇත. (20/10/2015)

Monday, November 2, 2015

වගකීම පැහැර හරිමින් යුතුකමට පැහැරීම





ලංකාව කියන්නෙ ප‍්‍රාග් ෙඓතිහාසික යුගයේ පටන් විජය-කුවේනි, රාවනා රජුගේ ගුප්ත, යුද, වෛද්‍ය ශිල්ප හා ද`ඩු මොණර වැනි ගුවනින් යා හැකි යන්ත‍්‍ර පිළිබ`ද මහා විශ්මකර්මද, කාශ්‍යප රජුගේ ලෝක පුදුමයට භාජනය වූ තාක්ෂනික සීගිරියද, අංගම් පොර සටන් ක‍්‍රම පැවති බොහෝ ආශ්වාදයන් කුතුහලයන් ඇති කරවන රටකි. එය ලෝකයේ පැරණිතම දියුණු ශිෂ්ඨාචාරයක් පැවති රටක් බවට අපට මහත් අභිමානයකි. 
අදද අප මේ ගැන අභිමානයෙන් ගවේශනය කරමින් එවැනි අතීත පරම්පරාවල සුන්බුන් සොයමින් අතීතයේම වෙසෙති. නමුත් අනාගත පරම්පරාවට අප ගැන කතා කිරීමට කිසිවක් දායාද කොට ඇත්ද? ඇත. ඒ අප ගැන අභිමානයෙන් නොව අතීතය ගැන පම්පෝරි ගසමින් ජාතියක් විනාශ වෙනකම් සිටි අමන පිරිසක් ලෙසය. 
අද අප රකින්නට වෙර දරන්නේ කුමක්ද? අපේ කියා රකින්නට දෙයක් ඇතිද?
වසර 33000කට වඩා පැරනි දියුණු ශිෂ්ඨාචාරයක් පැවතුනයි කියන බලංගොඩ මානවයාට නෑකම් කියන ලංකාවේ තවමත් පාර්ලිමේන්තුවේ කරපින්නා ගෙන යන සෙංකෝලය සුද්දාගේය. පෞරාණික වටිනා කමක් ඇතැයි කියමින් සුරකින්නේ සුද්දා සැ¥ ලන්දේසි පෘතුගීසි බල කොටුය.  ක‍්‍රියාත්මක වන්නේ ලෝකයේ තියා රෝමයේ වත් නැති රෝම ලන්දේසි නීතියයි. මින් කියවෙන්නේ අප තාමත් ලන්දේසි අණසකට යටත් බව නොවේද? එනමුත් උඩරටට එක නීතියකි. පහත රටට තව නීතියකි. මුස්ලිම්වරුන්ට තවත් නීතියකි. 
සුද්දාගෙන් රට මුදවා ගෙන අඩ සියවසක් පසු වුනද තවමත් සුද්දාගේ යල් පැනගිය ක‍්‍රමයට අධිකරණපද්ධතිය වැඩය. ආර්ය සිංහල ඇදුම ඇගලා අධිකරණයේ විත්තිය හෝ පැමිණිල්ල වෙනුවෙන් පෙනී සිටීමට සිංහල නීතීඥයන්ට අදටත් බැරි වී ඇත. උවමනාවක්ද නැත. ඉංග‍්‍රීසි බසින් ඇති නීති, ආඥා, අන පනත් විධි විධාන තවමත් සිංහලයට පරිවර්තනය කිරීමට නොහැකි වී ඇත. නමුත් අධිකරණයට නීති කෙටුම්පත් සාදන ව්‍යවස්ථාදායක පාර්ලිමේන්තුවේ බහුතරය නීතීඥයින්ය. පාර්ලිමේන්තුවට නූගතුන් එවීම අකැපැයි කියන්නේද මේ මන්ත‍්‍රී වරුන්මය. මේ සාමාන්‍ය ජනතාව නොම`ග යැවීමට කරනා ආකල්පමය නිර්මාන වේ. බහුතර මන්ත‍්‍රීන් නීතීඥයින් නම් ඔවුන්ගෙන් රටට සේවයක් නොවුනත් ඔවුන්ගෙන් රටට බරපතල හානියන් සිදු වූයේ නම් පාර්ලිමේන්තුවට යැවිය යුත්තේ  උගතුන් නොව බුද්ධිමතුන්ය.
තවද සුද්දා පුරුදු කල මත්වතුර, සිගරැුට්ටුව තවම තහනම් කර ගැනීමට බැරි වී ඇත. එය තහනම් කර ගන්න බැරිව සිකරැුට් පැකැට්ටුවේ රූපමය අවවාදය අච්චුගසා ඇත. එක සිකරැුට්ටුවක් රුපියල් 30කට වඩා වැඩි නිසා දුප්පත් මිනිහා එකවරකට ගන්නේ සිගරැුට් එකක් හෝ දෙක තුනකි. මේ නිසා පෙට්ටියේ ඇති රූපමය අවවාදය යන්නේ කඬේ මුදලාලිගේ කුනු ගොඩටය. මේ අර්ථ ශූන්‍ය තීරණය ගැනීමට උගතුන් යයි කියනා පිරිස් රජයේ(මහජන* මුදල්, කාලය විනාශ කරමින් අධිකරණයට යමින් විශාල සංවාදයක් මාධ්‍ය තුල ප‍්‍රදර්ශනය කිරීය. මේවාද සුද්දාගේ අධ්‍යාපන ක‍්‍රමයට විභාග සමත් වී උගතුන් යයි කියනා මිනිසුන් සාමාන්‍ය ජනතාව නොම`ග යැවීමට කරනා ආකල්පමය නිර්මාන වේ. 
එදා සිටි ගරුතර සංඝරත්නය පිරිවෙනින් සත් ධර්මය අවබෝධ කොට ගෙනද, හෙල වෙදුන් පාරම්පරික දැනුම පළපුරුද්ද තම පරපුරට දායාද කරමින්ද, ගමට රටට අවවාද අනුශාසනා කරන ආදර්ශමත් බුද්ධිතුන් බවට පත් විය. මොවුන්ට පාසල් අධ්‍යාපනික සහතික නොතිබුණි. :ඡු්චැර ූම්කසසෙජ්එසදබි*
පසු කලක පිරිවෙනින් බැහැරව සුද්දාගේ විශ්ව විද්‍යාල අධ්‍යාපන ක‍්‍රමයෙන් මොට ධර්ම දැනුමෙන් දුබල වූූ සංඝරත්නයද, වෙදුන්ද සල්ලි හා ජනප‍්‍රියත්වය සොයා යාම නිසා සමාජ අපගමනය වැඩි විය. භික්ෂුව ප‍්‍රශ්න විසදා ගැනීමට බැස්සේ පාරටය. වෙදදුරු වැටුප් වර්ධනය ස`දහා ප‍්‍රාන ඇපයට ගත්තේ රෝගීන්ය. අනෙකුත් වෘත්තීන්ද එසේමය.
මේ නිසා සිංහල කියන ජාතිය ලෝකයෙන්ම අතුගා දැමීමට රටේ පාලකයින්ට ආරම්භ කිරීමට හැකි විය. මුල් ආරම්භයක් ලෙස අසූව දශකයේ එවකට සිටි පාලකයින් සිංහල කියනා නාමය නීත්‍යානුකූල ලෙස උප්පැන්න සහතිකයෙන්ම උගුලා දැමුවද සග,වෙද,ගුරු,ගොවි, කම්කරු පංච මහා බලවේගයම හඩක් නොනගා නිදි වැදී හුන්හ. මේ කියවන ඔබද මේ යුගයේ ජීවත් වන්නට ඇත. එසේ නම් උප්පැන්නෙන් ජාතිය අතුගා දමනකම් සිටි ජාතියකට අභිමානයක් තිබේද? ඇත. එහෙත් වර්තමානයේ ඔබට නොව අතීත සිංහල ජාතියටය. මෙවැනි කරුනු පිළිබ`ද අකමැත්තෙන් හෝ අවධානය යොමු කිරීමේදී අප ගේ විශේෂ අවධානයට යොමු නොවූ කරුණක් ඇත.
මරක්කලයාට බනිමින් උන්ගේ තෙල් ගසා ගෙන ජපනාට බනිමින් උන් තැනූ වාහනෙන් යන ගමන් චීනාට බැන්නද යන්නේ චීනා සෑ¥ අධිවේගී මාර්ගයේය. සුද්දාට බැන්නද මෙපමණ දියුනු තාක්ෂණයක් ඇති කලක වුවද තවමත් දුම්රිය රේල් පාරක් සාදා ගැනීමට නොහැකි වී ඇත. ශතක ගනනාවකට පෙර ලෝකයේ ගුවනින් ගමන් කල බවට සාක්ෂි ඇත්තේ රාවනා රජුගේ ද`ඩුමොනරයටය. නමුත් ලෝකය අප අභිබවා පාපැදියේ සිට ගුවන්යානා නිපදවූවත් අපට කියා තවම පා පැදියක්වත් මෝටර් සයිකලයක්වත් නිපදවාගැනීමට නොහැකි වී ඇත. එහෙත් උගතුන් යයි පම්පෝරි ගසන ලංකාවේ පිරිස් රාවනා ඉතිහාසය මිත්‍යාවක් බවට පත් කිරීමට අපමන වෙහෙසක් ගැනීමත් එයට පූර්ණ මාධ්‍ය අනුග‍්‍රහයද ලැබීමත් කනගාටුවට කරුණකි.
වර්තමානයේ සැලසුම් සදන්නේ විදේශීය ට්‍්‍රෑම්ප් කාර් ව්‍යාපෘති ගැනය. අපේම දෙයක් අප රටේ නිෂ්පාදනයට  යෝජනාවක්වත් මෑත ඉතිහාසයේ යෝජනා වීද? නැත. ඒ එවැනි ව්‍යාපෘති වලින් පාලකයන්ට කොමිස් නොලැබෙන නිසාය.
දැනට මේ රටේ අපටම කියා අනන්‍යතාවයක් ඇත්තේද? නැත. තිබූ සියල්ල දෙමුහුන් HYBRID කරමින් පවතී.  ජාතිය සිංහල කියන නාමය ඉවත් වී ඉතිරි වූ ජාතික ගීයද හයිබි‍්‍රඞ් විය. සිංහල ජාතියට බැන වැදීම අපහාස කිරීම සිංහලයාට නම්බුවකි. නම්බුව සමග මුදල් තනතුරු ලැබෙන්නේ විදේශීය රාජ්‍ය නොවන සංවිධාන හරහා යැපෙන සිංහල ක`ඵ සුද්දන්ගෙනි. අනගාරික ධර්මපාලතුමා මේ ගැන එදා පැවසුවද එදා මෙන්ම අදත්  එතුමාගේ වදන් කතාවට මිස සිතා බැලීමට මේ ජාතියට උවමනාවක් නැත.
සිංහල ජාතියක් ගැන කතා කිරීමද ජාතිවාදයකැයි ප‍්‍රසිද්ධ මාධ්‍යයේ කියූ සිංහල මිනිසෙකු සිංහලයාගේ වැඩි ඡුන්දෙන් පාර්ලිමේන්තවට තේරී පත්වූයේ ඇයි? 
රට වෙනුවෙන් දිිවිපි¥ සටන් වැදුන හමුදා වීරයින්ට රණවිරුවා ලෙස නම් කල තවත් දේශපාලකයෙක් රටගියවුන් රටවිරුවා ලෙස නම් කෙරිණ. විදේශ රැුකියාවක් ස`දහා පිටත්ව යෑම වීර ක‍්‍රියාවක් ලෙස නම් කිරීම විහි`ඵවකි. හෑල්ලූවට ලක් වුනේ රණවිරුවන්ය. මේ සියඵ ප‍්‍රකාශ සිදු කල දෙදෙනාම ටයි කෝට් පලදින නමට සිංහල නීතීඥයින්ය. මහජන ඡුන්දයෙන් ප‍්‍රථික්ෂේප වුවද මොහුද අද පාර්ලිමේන්තුවේ ඇමතිවරයෙක් වූයේ කෙසේද? මෙයද සිංහල ජාතිකත්වය, මහජන මතය. මොවුන් උගතුන් නම් පාර්ලිමේන්තුවට යැවිය යුත්තේ මෙවැනි උගතුන්ද?
දියුණු සංස්කෘතියක් තිබූ රටකට සිදු වූයේ, සිදු වෙමින් පවතින්නේ කුමක්ද? මේ පිළිබද අධ්‍යනයක් හැදෑරීමක් සිදු වේද? සිතා බැලීමට කාලය එලඹ ඇත. ආචාර්ය මහාචාර්යවරු දේශපාලන දඩයමේය. ඔබටත් සිතීමට කාලයක් නැත. කෙසේ වෙතත් මේ ගැන පසු තැවෙන්නෝ බොහෝමයක් මේ ශ‍්‍රී ලංකා භූමියේ තවමත් ඇත. ඒ අය ඒකරාශී වීමට ඇති ඉඩකඩ අහුරා දමන සංවිධාන බලවේග වැඩිනිසා සිංහලකම ක‍්‍රමක්ක‍්‍රමයෙන් මැකීයනු ඇත. (29/10/2015)

  

Saturday, March 21, 2015

බණ කියන රටක්....බණ අහන රටක්...යුධ බිමක් උනේ කෙලෙසා.....

බණ කියන රටක්....බණ අහන රටක්...යුධ බිමක් උනේ කෙලෙසා.....කියල විශාරද එඞ්වඞ් ජයකොඩි මහතාගේ සින්දුවක් මේ ල`ගදී ගුවන් විදුලියේ ප‍්‍රචාරය වුනා. මේ අතර තරුණයෙක් නාට්‍යයක ටිකට් පොතක් අරගෙන අපේ ගෙදර දොරට තට්ටු කරනවා. සාමාන්‍යයෙන් දිනකට එන මෙවැන්නන් ගණන සාක්කුවට දරා ගන්න බැරි අවස්ථාත් තියෙන නිසාත්, නාට්‍ය බැලීමට උනන්දුවක් නොමැති කම නිසාත් දොර විවෘත කල සැනින් අවශ්‍ය නැති බව පැවසුවත් එම තරුණයා ආධාරයක් වශයෙන් ටිකට් පතක් ගන්න යැයි නැවත ආයාචනය කලේය. එහිදී මා හට ටිකට් පතක් ගැනීමට සිත්වූයේ මගේ අවශ්‍යතාවය නොව මේ හෙම්බත් වී සිටින තරුණයාගේ අවශ්‍යතාවයටය. ඒ නාට්‍ය කරුවන්ගේ ශෝකාන්තය එකල අපේ අසල්වැසියෙකු වූ සුගතපාල සිල්වා ශූරීන් ගෙන් දැක ඇති නිසාමය. 
මෙසේ ටිකට් පත විකුනා යන තරුණයාට මා නිකමට මෙන් ඔබලාගේ නාට්‍ය වලට රටේ විනාශ වෙමින් යන සාර ධර්ම වලටද දෙබසක් එකතු කරන්න බැරිදැයි ඇසීය. පුදුමයකට මෙන් ඒ හෙම්බත් වී සිටි විඩාබර තරුණයා යන ගමන නතර කොට නැවත හැරී එසේ කලොත් නාට්‍යය දේශපාලන මුහුණුවරක් ගන්නා බවද නමුත් රටේ පවතින වාතාවරණය කනගාටුදායක බවද අපට කල හැකි දෙයක් නැතැයිද ඉතා ශෝකීය හ`ඩකින් තෙපලීය. මේ වචනයත් සම`ග මේ තරුණයාගේ කටහ`ඩ ටිකක් ප‍්‍රාණවත් වුවත් වෙහෙසුන සිරුරට මගේ නිවසේ බිත්තියේ පිහිට අවශ්‍ය බව ඔහු උරහිස බිත්තියට හේත්තු කර ගැනීමෙන් පෙනින. මිළ මුදලින් පමනක් නොව සෑම කෙනෙකුටම තම රට වෙනුවෙන් තමන්ගේ හැකියාවෙන් යමක් කල හැකි ආකාරය ඔහුට පෙන්වා දීමත් සම`ග මොහුට අවශ්‍ය වූයේ වතුර වීදුරුවකි.  අහේතුක සිතුවිලි ඉවත් කර අභිපේ‍්‍රරණය කිරීම යනු එයයි. (මෙය මනඃකල්පිත ප‍්‍රබන්ධයක් නොව පුද්ගලයෙකුගේ මනස අවධි කල විට ගත ප‍්‍රාණවත් වන අයුරු එනම් සිත සහ ගත අතර ඇති සහ සම්බන්ධතාවය මනෝ විද්‍යාත්මකව පෙන්වා දීමකි.* එක හුස්මට වතුර වීදුරුව අවසන් කල දුශ්කර මොනරාගල ගමෙන් රැුකියාවක් සොයා කොළඹට පැමිණි මේ තරුණයා විවිධ ප‍්‍රශ්න අසමින් ඔහුගේ අත්දැකීම් පවසමින් බොහෝ කරුනු කාරණා මගෙන් විමසන්නට විය.
ඒ කතා බහින් ඔහුගේ සාමාන්‍ය දැනීම සමාජ අවබෝධය උසස් මට්ටමක පවතින බව ප‍්‍රත්‍යක්ෂ විය. එසේම ඉච්ඡුාභංගත්වයක්ද ඔහු ගේ කතා බහින් දිස්විය. මොහු නගා සිට වියහැකි පුද්ගලයෙකැයි පෙණුන නිසා ඔහු නිවස ඇතුලට කැ`දවා ඉ`ද ගැනීමට සැලස් වීීය. ඔහුට මුලින්ම පෙන්වා දුන්නේ නාට්‍යයක් රස වි`දීමට රසාඥතා ඥාණයක් නැති ජන සමාජයක ඔබ කරන්නේ ඔ`ඵ නැති මිනිසුන්ට තොප්පි විකිනීමක් කිරීමට ගන්නා අසාර්ථක උත්සාහයක් ලෙසයි. නාට්‍යකරුවකු වීමට නම් නාට්‍යයක් රස වි`දීමට හැකි පරිසරයක් මුලින්ම නිර්මාණය කල යුතු බව වටහා දුනි.  මා ඔහුට අනාගතය පිළිබ`දව බලාපොරොත්තු ඇති කලේය. මේ වන විට වෘත්තීය මනෝ උපදේශනයක්, මාර්ගෝපදේශනයක් එසේත් නැතිනම් මොල විරේඛයක් සිදු කරන බව ඔහු නොදැන සිටියේය. මේ වන විට දිනකට ටිකට් පත් කීපයක් විකුනා මාසෙ අන්තිමට කීයක් හරි වියදමට සොයා ගැනීමේ අභිලාෂයේ සිට තම නිවසේ සිට ස්වයං රැුකියාවකින් ජීවිකාව ගෙන යාම දක්වා වෙනස් වී ඇත. ගතවූයේ පැය භාගයක පමණ කාලයකි. දැන් ඔහු විසින්ම ඔහුට ගැලපෙන, තම ගමට ගැලපෙන රැුකියාවක් එනම් හ`දුන්කූරු නිෂ්පාදනය කෙරෙහි අදහසක් ඇති කර ගෙන තිබුණි. ඒ ස`දහා අවශ්‍ය අමු ද්‍රව්‍ය, උපකරන පිළිබ`ද, තාක්ෂන දැනුම මොහුගේ දෙවන අභියෝගය විය. ඔහුගේ වාසනාවකට මීට මාස ගනනකට පෙර ඒ පිළිබ`ද තොරතුරු වෙනත් අයෙකුගෙන් මා වෙත ලැබී තිබුණි. 

පැයකට පෙර අනාගත බලාපොරොත්තු රහිතව සිටි විඩාබර තරුණයා දැන් ඉතා ආත්ම අභිමානයෙන් යුතුව මා ඉදිරියේ සිටී. එය නොවෙයි ආශ්චර්යය. දැන් ඔහුට අවශ්‍ය ජීවිතය තනියම ජයගන්න නොවේ. තම ගම් ප‍්‍රදේශයත් දියුණු කිරීම ස`දහා දැනුවත් කිරීමේ වැඩ සටහන් ටිකක් අපි කරමුදැයි මගෙන් විමසීම මා ලද ජයග‍්‍රහනයයි. ඒ මා ගත කල කාලය ඵලදායී ජාතික මෙහෙවරක් යයි හැ`ගුන නිසාය. එම නිසා මා රනවිරුවා ස`ගරාවට සහ වෙනත් ලියූ ලිපි කීපයක් අඩංගු පොතක්ද කියවීම ස`දහා මේ නොහ`දුනන තරුණයාට පරිත්‍යාග කලෙමි. ශිෂ්‍යයා සූදානම් වන විට ගුරුවරයා නිතැතින්ම ලැබෙනවාය යන පුරාණ කියමනක් ඇත. මේ එවැනි අවස්ථාවක් විය හැක. නමුත් මෙවැනි මානසික පිබිදිමකින් නැවතත් මාසයක් වැනි කාලයක් ඇතුලත ඔහුට නැවතත් උපදේශනයක්, බලාපොරොත්තු ඇති කිරීමක් නොකලහොත් ඔහු සුපුරුදු රැුකියාවටම යොමු විය හැක. ඒ දැනට පවතින සමාජ ක‍්‍රමයට අනුව පුද්ගලයා යාන්ත‍්‍රික වී අවශ්‍ය විවේක බුද්ධිය නොමැති වීමයි.
ඉහත තරුණයාටද මනා අවබෝධයක් දැනුමක් තිබුනද ඔහුට නිදහසේ සිතීමට අවශ්‍ය පරිසරයක් නොතිබීම හේතුවෙන් ඔහු යායුතු නිවැරදි ගමන පිළිබ`දව ඔහුට වැටහීමක් නොතිබිණ. මා තුලින් සිදුවූයේ ඔහු තුල තිබූ විභව ශක්තීන් ඔහුටම පෙන්වා දීම, වටහා දීම පමණි. මෙවැනි වෘත්තීය උපදේශන සේවා අද රටට කාලීන අවශ්‍යතාවයකි. එහෙත් අවාසනාවකට දේශපාලනයේ සිට ආගම දක්වා වානිජීකරණය වූ රටක් තුල ජනතා අභිවෘද්ධිය මුවාවෙන් ජාතිවාදී, දේශපාලන, ආගම්වාදී, රාජ්‍ය නොවන වැනි විවිධ සංවිධාන, අසරණභාවයට පත් වූවන් ගෙන්ද ඊට අමතරව ධනාත්මක චින්තක, පෞරුෂ වර්ධනය වැනි ධනාත්මක තේමාවන් ගෙන් කෙරෙනා එක් දින වැඩමු`ඵ පවත්වා සූරා කෑම, ප‍්‍රමිතියෙන් තොර පොත්-පත් ජාවාරම නිසා රටේ තරුණ තරුණියෝද, රටේ අනාගතයද අන්දමන්ද වී ඇත. 
තරුණ තරුණියන්ගේ ක‍්‍රියා කලාපයන්ට බැන වදින වැඩිහිටියෝ මේ සමාජ ව්‍යවසනයට සෘජුවම වගකිව යුතු බව පිළිගැනීමට මැලි වීම, සමාජ ප‍්‍රගමනයට ජාතික සැලසුම් නොමැති නිසා තව තවත් සමජ පරිහානිය වලක්වා ගත නොහැක. බණ කියන රටක්...........බණ අහන රටක්...........යුධ බිමක් උනේ කෙලෙසා.....කියල දැන් ඔබටම තේරෙනවා ඇති. (20 මාර්තු 2015*


Tuesday, September 30, 2014

හෙට දින විශ්ව ලමා දිනයයි. අපි හෙට කුමක් කරම්ද?.....


මේ මොහොත වන විට හෙට මේ දිනය අභිමානයෙන් (සැම)රීමට රාජ්ය හා රාජ්ය නොවන සන්විදාන නිදි මරා කටයුතු කරනු ඇති. රාජ්ය නොවන ආයතන නම් විදේශීය රාජ්යන්ගෙන් කුට්ටියක් කඩාගෙන ඉදිරි වසර සදහා ඔවුනොවුන්ගේ පැවැත්ම වෙනුවෙන් කීයක් හෝ  ඉතිරි කර ගත්තාට රටට එතරම් දැනීමක් නැත්තේය. ඒ ජනතාවගේ සාක්කුවට ඉන් පහරක් නොවදින නිසාය. ඒත් අපේ රාජ්ය සේවාව හෙට කොහොම සූදානම් වෙනවා දැයි  ශ්රීලංකාවේ පුරවැසියෙකු ලෙස සිතා බැලීමේ වරදක් නැත. කොහොම වෙතත් සාම්ප්රදායී ක්රමයටම මෙය සිදුවූවොත් ……

ඒ නම්රටේ නායකයා සතුටු කොරන්නට  (ඒ තුලින් මීට වඩා සම්තින් ඇති උසස් ඇමතිකමක් ලබා ගැනීමට) ඇමතිතුමා සැදී පැහැදී සිටිත්.
ඇමතිතුමා සතුට කිරීමට අමාත්යාන්ශ ලේකම්තුමා නියෝග දීමට සූදානම්.
අමාත්යාන්ශ ලේකම්තුමා සතුටු කිරීම කොමසාරිස්තුමාගේ පරම  යුතුකමකි.
කොමසාරිස්තුමා පිනවීමෙන් ගනකාධිකාරී ඇතුලු උසස් යයි සිතන නිලධාරින්ට වැටුප් වර්ධකයට,අතිරේක නිදහසට පිනය.
උසස් යයි සිතන නිලධාරින් පිනවීමෙන් සැපයුම් අන්ශයට රජ මගුලය.
පහල සොක්කන්ට පොඩි බටාවක් හා ඕ.ටී. පාර ගමන් දීමනා එක් උනාම කඩේට ඇති පොඩි පොඩි නයටිකක් වත් ගෙවා ගන්න පුලුවන්.
දැන් කොහොමද මේ විශ්ව ළමා දිනය (සැම) රෙන්නේ…..
ලන්කාවේ ප්රසිද්ධ ආයතනයක් ගන්නවා කුලියට, සම්මන්ත්රණ ශාලාව වගේ
ලන්කාවේ ප්රසිද්ධ නර්තන , වාදන කන්ඩායමක් ගන්නවා රැගුමට,
ලමයින් ටිකක් තෝරා ගන්නවා රටේ  හැම තැනකින්ම,
කීයක් කියත් අවුලක් නෑ හදනවා සින්දුවක් ජාතීන් අතර සමගිය පෙන්නන,
ළමයින්ට මස්සනවා ලස්සන ඇදුමක් දවසින් මැහුම් ගැලවෙන,
කෑම ඕඩර් කරනවා උදේ,දවල්,හවස බඩ නොපිරුනත් අවශ්ය ප්රමානයට වඩා ටිකක් වැඩියෙන්,
ලන්කාවේ දුර පලාත් වලින් ළමයින් අද්දවනවා බස් වලින් ආරක්ශාව නැතත් උදෙන්ම,
ලොක්කෝ උජාරුවෙන් පැමිනෙති පමාවී…. යන ගමන් වනාවී අත,
ළමයින්ට දැන් දුකක් නැත. ඇදුමක්, කෑම පැකට්ටුවක්, චාරිකාවක් ලැබුන නිසා අද දවසේ,
නර්තන, රන්ගන අවසන්ය දැන් බෝ වී ඇත හවස් ජාමය
සියල්ල අවසන්ය ළමයිනේ දැන් පලයල්ලා ආ තැන් වලට ප්රවේසමෙන්,
ඒ තොපි ලබන වසරේත් අපිට කොඩි වනන්න, අපේ පැවැතම වෙනුවෙන්!
රූප පෙට්ටියෙන් ළමෝ බලා සිටීවි උන් පෙන්වන තෙක් දෑස් අයාගෙන,
අහෝ පෙන්වාවි නිමේශයක්, වැඩියමනක් පම්පෝරි දේශපාලනය,   
ගිය වියදම එනවාය එකතුව මිලියන 5ක් 6ක්, ඒ උනාට මොකද ඒකෙන් අපේ අභිමානය පෙන්නුවාය ලොවට, කොටසක් වැටිලාය සාක්කුවටත් නොදැනීම,
දරුවෝ නොදනිති මේ උන්ගේ අනාගතය උගස් කර කන්න දුන් බව, බත් පතකට සමහර විට මුලු අනාගතයම, (2014/09/30)

ජයවේවා! නමුත් නොවේවා! මේ විදියට හෙට.

 




Saturday, September 27, 2014

ප්‍රශ්න 24කින් ලමා අප්චාර අලට විසදුම් සොයමු.

 ......ළමා අයිතිවාසිකම් වලට පමණක් සීමාවීම නිසා අනෙකුත්
පාර්ශවයන්ගේ අයිතිවාසිකම් වලට යම්කිසි අසාධාරනයක් වෙනු ඇති. එසේම පූර්ණ නිගමනයකටද
එලඹීමට නොහැකිවනු ඇතැයි මගේ හැගීමයි. එබැවින් මා විවිධ කෝනයන්ගෙන් මා දකින ආකාරයට ඒ පිළිබදව විග‍්‍රයක් කරුනුයේ ඔබ ආයතනයේද ඒ පිළිබදව අවධානය යොමු කරවීමටයි.
ළමා අයිතිවාසිකම් ලෙස ගත්විට අද පවතින අධ්‍යාපන ක‍්‍රමය අනුව ළමයෙකුට එවැනි අයිතිවාසිකමක් අප විසින් ඇතිකර ඇත්ද යන්න පලමුවෙන් සිතා බැලිය යුතුය. අද දරුවන් දෙමාපියන්ගේ පරමාර්ථ පිරිමසින අධ්‍යාපන රොබෝවරුන්ය. ජනාධිපතිතුමාද යම් අවස්ථාවලදී මේ ගැන කතා කරනු දක්නා ලදී. ඒ පිළිබදව ලිපි දේශන කෙතෙකුත් ඇතත් ක‍්‍රියාමාර්ග ගැනීමට ජාතික හෝ අන්තර්ජාතික ආයතන නැත. දෙමාපියන්ටද මෙම ක‍්‍රමයෙන් මිදී විකල්ප ක‍්‍රමවේදයක් ගැන සිතිය නොහැකි තත්වයකට පත්ව ඇත. එසේ නොහැකි නම් මෙයට වගකිවයුතන් සහ අපචාර වැඩිවමට ඉගියක් මෙම ප‍්‍රශ්නාවලියෙන් ඔබට ලබාගත හැකිවේ යයි සිතමි.
1) ළමයින්ගේ විෂමාචාර වලට අධ්‍යාපන ක‍්‍රමය වක‍්‍රව බලනොපාන බව කිව නොහැක්කේ කාහටද?
2) තවද ලමයෙකු අපචාරයකට ලක්වූ පසු අධිකරණය මගින් දරුවා පරිවාස බාරයටත් අපචාරය සිදුකල පුද්ගලයා බන්ධනාගාර ගතකොට ටික දිනකිත් ඇපපිට නිදහස්ව සිවිල් සමාජය තුල නිදහසේ කටයුතු කරයි
නම් මින් දඩුවම් ලබන්නේ ළමයා මිස වෙන කවුරුන්ද?
3) මෙම ළමා රැුදවුම් නිවාසගත ළමයෙකුට ප‍්‍රමාණවත් මානසික රැකවරනයක් විධිමත් අධ්‍යාපනයක් පහසුකමක් ලැබේද? ඔව් නම් අධීක්ෂන වාර්තා පෙන්වා දිය යුතුය.
4) එසේම මෙම ළමා නිවාස වල අපචාරයේ ස්වභාවය මත හෝ වෙනත් වර්ගීකරනයකට ලක්කොට ඇතිද? 
(උදාඃ මත්ද්‍රව්‍ය වලට ඇබ්බැහිවූ දරුවකු / අසරන ලිංගික අපචාරයකට ලක්වූ / පදිකදරුවන් / විවිධ අපරාධ වලට සම්බන්ධ හෝ වෙනත් ආකාරයකට වශයෙන්)
5) එසේ නොවුනහොත් මෙම ළමයින් පුනරුත්ථාපනය වෙනුවට තවත් අපරාධ හෝ අපචාර වලට යොමු වීමක් සිදු නොවේද?
6) මෙම පුනරුත්ථාපන ආයතන වල ළමයින් හා සෘජුව ගැටෙන සේවක සේවිකාවන්හට විධිමත් පුහුණු වැඩසටහන් වසරකට කොපමන සංඛ්‍යාවක් පවත්වා ඇත්ද?
7) ළමයින් පිළිබදව අධීක්ෂනය කරුනු ලබන්නේ කුමන පලපුරුද්දක් සුදුසුකමක් ඇති නිලධාරීන්ද?
8) එසේ නිවැරදි අධීක්ෂනයක් කලේනම් පසුගිය සමයේ අසන්නට ලැබුනු කනගාටුදායක සිදුවීම් සිදුනොවනු ඇත. මෙවැනි අධීක්ෂනයක් වූවානම් ඒ පිළිබද වාර්තා මෙම ආයතනවල දකිය හැකිද?
9) මෙවැනි අධීක්ෂන ස්ථාන හෝ සේවා ස්ථාන වලට නුසුදුසු පුද්ගලයන් පත්වී ඇත්නම් ඒ පිළිබදව සොයා නොබලන, ඒවාට වගකිවයුතු පරිපාලන ප‍්‍රධානියෙකු සිටීිද?
10) තවද මෙම ළමා නිවාස වලට රජයෙන් හෝ රාජ්‍ය නොවන ආයතන වලින් සපයන පහසුකම් (සාමාන්‍ය වාර්තා නොව) සත්‍ය ලෙස සැපයෙන පහසුකම් පිළිබදව නිරීක්ෂන කිරීමට ඉහල නිලධාරීන් මෙම එක් රැදවුම් නිවාසයකට වසරකට කොපමන සංඛ්‍යාවක් පැමිණ ඇත්ද?
11) මෙසේ සොයාබැලීමක් සිදු නොකොට රජයෙන් සැපයෙන විශාල ධනස්කන්ධය විදේශ සංචාර විවිධ උත්සව ලමා දින උත්සව සදහා වියදම් කරන රාජ්‍ය හෝ රාජ්‍ය නොවන නිලධාරීන් සිටීනම් ඔවුන්ද මෙම ළමා අපචාර වර්ධනයට වගකිව යුතුද?
12) දරුවන් වෙනුවෙන් පෙනී සිටීමට නොව ක‍්‍රියාකිරීමට මානව හිමිකම් ආයතන, ළමා රක්ෂන අධිකාරිය, පොලීසිය, කාන්තා හා ළමා කටයුතු පිළිබද දෙපාර්තමේන්තුව, පෞද්ගලික ආයතන හා ජනමාධ්‍ය ආායතන රැසක් ඇත. සංඛ්‍යාලේඛන ගත්විට රජය පමණක් එක් ළමයෙකු වෙනුවෙන් කොපමන රුපියල් ගණනක් මේ සදහා වියදම් කොට ඇත්ද? සමහරවිට රුපියල් මිලියනය ඉක්මවීමටද පුඵවන.
13) එම වියදම් කල මුදලට සාපේක්ෂව මෙම දරුවන්ට ලැබුන ප‍්‍රථිලාභය පිළිබද සෑහීමකට පත්විය හැකි්ද?
14) නමුත් වරදක් වනතෙක් දැනගෙන නිහඩව සිට වරද අසුවූ සැනින් ක‍්‍රියාත්මක වී තම ප‍්‍රථිරූපය ගොඩනගා ගැනීමේ පහත් අභිප‍්‍රායෙන් කටයුතු කිරීමට ඉහත සදහන් ආයතන ඉතා සන්වේදීව සැදී පැහැදී සිටියාද?
15) ළමා රක්ෂන අධිකාරිය පසුගිය වසරතුල සිදු කල විමර්ශන සංඛ්‍යාව සහ එහිදී මෙම ආයතනවල දූෂන අක‍්‍රමිකතා හදුනාගැනීමට නොහැකිවූයේ මන්ද?
16) එය එසේනම් ළමා රක්ෂන අධිකාරිය තම වගකීම ඉටු නොකොට මේ අවස්ථාවේ කරන්නේ තම වරදත් අනුන්ටම පටවා තම නිරුවත වසා ගැනීමේ රංගනයක් නොවේද?
17) එසේම මොරටුවේ වැටලීම අත්වැරද්දකින් සිදුවීනම් එම ආයතනයට සිදුවූ අපහාසයට වන්දි ගෙවිය යුත්තේ සමාව ගත යුත්තේ ළමා රක්ෂන අධිකාරිය නොවේද?
18) මෙයට කදිම නිදර්ශනයනම් මෑත කාලයේ ලමයින් කිහිප දෙනෙකු යම් රැදවුම් නිවාසයකින් පැනගොස් ගොස් පොලීසියට කොටවූ පසු එම ලමයින්ගේ ප‍්‍රකාශය මතම ඒකපාර්ශිකව රැදවුම් නිවාසයේ පාලිකාව
අත්අඩංගුවට ගැණුනි. මෙය ගැඹුරින් නොව සරලව සිතා බැලූවත් අදහස පැහැදිලිය. එනම් ළමයින් රැදවුම් නිවාසයෙන් පැන පොලීසියට නොගොස් පසුදින අසුවූ පසු ඔවුන්ගේ නිදහසට මීට වඩා යමක් එම ළමයින්ට කිව හැකිද?
19) එම ළමයින් පාලිකාව ගැන කීවා සේම පොලීසිය පිළිබදවද  විශ්වාසයක් නැති නිසා බස්නැවතුමටවී සිටියා කිව්වා නම් අදාල පොලීසියේ ස්ථානාධිපතිතුමාද අද අත්ඩංගුවට ගන්නවාද?
20) මෙම දරුවන්ට පරිවාස කාලය අවසන්වී රැදවුම් නිවාසයෙන් පිටවීීමට පෙර ඔවුන් වෙනුවෙන් යම් නිසි පුනරුප්ථාපන හෝ උපදේශන වැඩ පිළිවෙලක් තිබුනේ නම් ඔවුන් මෙම රැදවුම් නිවාසයෙන් මෙසේ
පැනයාද? මොවුන්ට ලබාදී තිබූ උපදේශන. පුනරුත්තාපන. අධ්‍යාපන. වාර්තා දැක්විය හැකි විය යුතුය.
21) මෙම පාලිකාව අත්අඩංගුවට පත් වූ පසුත් මෙම රැදවුම් නිවාසයෙන් ලමයින් නැවත පැනගිය විිට නැවතත් එවකට සිටි ස්ථානභාර පාලිකාව අත්අඩංගුවට නොගත්තේ මන්ද? එම සිදුවීමේදී තම රාජකාරිය නිවැරදිව හෝ වැරදි සහිතව සිදුකල සේවකයන් වෙනුවෙන් පෙනී සිටීමට කිසිදු මානව හිමිකම් සංවිධානයක් වෘත්තීය සමිතියක් අවම වශයෙන් නිවේදනයක් කිරීමට මරණාධාර සමිතියක්වත් නොමැති විය. මන්ද මෙම රැල්ල හැමුවේ ජනප‍්‍රිය පැත්තට නිසාය. එහෙත් මෙම සිදුවීමත් සමග ප‍්‍රසිද්ධියක් අනුකම්පාවත් ගොඩනැගීම සමගම ආරෝපනයවූ වගකිවයුතු අංශ නින්දෙන් ඇහැරුනු සිංහ පෝතකයන්සේ මාධ්‍ය මාමාලා සමග එක්ව වීඩියෝ ගතකරමින් සජීවී වැටලීම් සිදුකරීමට පටන්ගති. එහෙත් එම දඩයම වැරදුනේ වැටලූ එක් ළමා නිවාසයට ආගමික නැඹුරුවක් තිබීම නිසාය. එමනිසා සමහර ඇමතිවරු පරීක්ෂනය අවසන් වීමටත් පෙර අත්වැරුද්දක් ලෙස සමාව ගැනීමට පවා බයාදු විය. ඉන් පරීක්ෂනයේ තීන්දුවද පැහැදිලිය. වැටලීම් කල නිලධාරීන්ගේ වැඩ තහනම්ද විය හැක. මෙම සිදුවීම් දෙකෙහිදීම වරදකරුවන් නිෂ්චිත ලෙස මේ වනතෙක් හදුනාගෙන නොමැත. කෙසේ වෙතත් මීට පෙර නිවාසයේ සිදුවීම නොපෙනුන මහා පූජකතුමන්ට මෙම සිදුවීම පමණක් දර්ශනයවී වර්ජන
ගර්ජන කිරීම එම ආගම් දර්ශනයට අනුව සිදුවූවක් දැයි පැරණි පතපොත කියවා බැලිය යුතුය. නමුත් ජාතියක් වශයෙන් ප‍්‍රකාශයක් කිරීමට බැරිවුවත් තම ආගමිකයන් වෙනුවෙන්වත් ප‍්‍රකාශයක් කිරීමට ඉදිරිපත්වීම අගය කල යුතුය. රටේ දේශපාලන පක්ෂයක සුඵ අර්බූදයටත් මාධ්‍ය ප‍්‍රකාශ කරන. පෙලපාලි යන බහුවිධ වර්ණ මහානායක පූජකතුමන්ලාට මෙය කදිම පූර්වාදර්ශයක් විය යුතුය
22) තව පැත්තකින් බැලූකල පාලිකාව රෞද්‍ර අයෙක් යයි සිතමු මා මුලින් සදහන් කල ආකාරයට මාසිකව හෝ ක‍්‍රමවත් අධීක්ෂනයක් අගයීමක් මෙම ආයතන වල සිදුවූවා නම් එම පාලිකාවට විරුද්ධව එම ලමයින්ගෙන් පැමැණිලි කොතෙක් ලැබී තිබේද?
23) එම පැමිණිලි විභාග කර දී ඇති විසදුම් මොනවාද?
24) එවැනි ක‍්‍රමවේදයක් සිදුවී නැතිනම් ලමයින්ගේ යහපත වෙනුවෙන් ජනතා මුදල් මිලියන ගණන් කාබාසිනියා කරමින් සුඛෝපභෝගී ජීවිත ගතකරමින් ශීතකාමර වලටවී සිටි නිළධාරීන් මෙම තත්වයට අනිවාර්යයෙන්ම වගකිවයුත්තෝ නොවේද?
මෙහිදී මේ ගොනුකල කරුනු වල සාරාංශය ලෙස මෙසේ සදහන් කරමි
මෙම කනගාටුදායක තත්වය ඇතිවනතෙක් රාජ්‍ය ප‍්‍රධාණින් තම පහල නිලධාරීන්ට  ඕනෑම දෙයක් කරගන්නටදී ආයතන පරිපාලනය ගැන සොයාබලා නැති  වරදට දඩුවම් දෙනවානම් වරදට හවුල්වූ සියල්ලට
එක සමාන නීතියක් ක‍්‍රියාත්මක විිය යුතුය එසේම එම වරද නැවත නොවීමට ජාති ආගම් අනුව නොබෙදා කටයුතු සම්පාදනය කල යුතුය ළමයින් පැන යන්නේ ඔවුන්ට ප‍්‍රමාණවත් මාර්ගෝපදේශයක් උපදේශනයක් අධ්‍යාපනයක් නොමැති නිසාය මෙම තත්වය නිවැරදි කරනතාක්කල් ළමයින්ගේ රැදවුම් නිවාස සිපිරි ගෙයක සිරියක් ගැනීම වලකාලිය නොහැක 2012/05/26