සමාජ අසාධාරණයට එරෙහිව

 වර්තමාන ශ්‍රී ලංකාව රටේ සංවර්ධනය වෙනුවෙන් හඳුන්වා දුන් නවතම සංකල්පය Clean Srl Lanka නම් වේ. ඇත්ත වශයෙන්ම එය රටට පමා වී හෝ යෝජනා වීම කාලීන අවශ්‍යතාවයකි. එය රටේ තිරසාර සංවර්ධනයට රැකුලකි. එම නිසා Clean Srl Lanka වැඩසටහන පිළිබඳ වැඩිදුර අධ්‍යයනය කිරීම සඳහා මා උනන්දුවෙන් Clean Srl Lanka web site සහ රජයේ චක්‍රලේඛ පරිශීලනය කළෙමි. එහිදී ක්ලීන් ශ්‍රී ලංකා ව්‍යාපෘතිය තවත් සාර්ථක කර ගැනීම පිණිස මාගේ අදහස් කිහිපයක්ද රජය වෙත යෝජනා කරමි.  ශ්‍රී ලංකාවේ ආරම්භ වන බොහෝ ව්‍යාපෘති වැඩසටහන් නිවැරදි ඉලක්කයකට කරා යොමු කිරීමට නොහැකි වන්නේ එම වැඩපිළිවෙලෙහිම ඇති සුළු අතපසුවීම් අඩුපාඩුකම් නිසා අවසානයේ අනපේක්ෂිත අසාර්ථකත්වයකිනි. මෙම කටයුත්තේදී ද මට පෙනෙන විදියට ඇති විය හැකියයි සිතෙන  ගැටලු අභියෝග කෙටියෙන් සඳහන් කරමි. උදාහරණයක් ලෙස Clean Srl Lanka වැඩසටහන සිංහල හා දමිළ භාෂාවෙන් බොහෝ ජනතාව දැනුවත් නොකිරීම හෝ වෙබ් අඩවි වලත් පහසුවෙන් සොයා ගැනීමට නොහැකි වීම.  කෙසේ වෙතත් මා කල සරල කෙටි අධ්‍යනයේදී දැක්ම මෙහෙවර තිබුණද එයට අදාල ක්‍රියාකාරී සැලැස්මක් කාල රාමුවක් දැක ගන්නටත් තිබුණානම් අගනේය. නිදස...

වර්තමානයේ අධ්‍යාපනය ලබා ගැනීමට දරුවන් ශිෂ්‍යයන් මෙන්ම වැඩිහිටි ප්‍රජාවේද උනන්දුව වැඩිවී තිබෙන බවක් පෙනෙන්නට ඇත. එය රටක සංවර්ධනයට මානව සංහතියේ දියුණුවට බෙහෙවින් බලපාන අත්‍යවශ්‍යම සාධකයකි. දැන් ඒ සඳහා දෙස් විදෙස් පහසුකම් සපයන උපදේශන සේවා ඒජන්සිද ඇත. තමනට අවශ්‍ය විවිධ කේෂ්ත්‍ර වල සහතික, ඩිප්ලෝමා, උසස් ඩිප්ලෝමා, උපාධි, පශ්චාත් උපාධි ලබා ගැනීමට අධ්‍යාපනික ආයතන විවිධ ආකාරයේ ආකර්ශනීය ප්‍රචාරක දැන්වීම්ද අප විවිධ මාධ්‍යයන් තුලින් දකින්නෙමු. මෙම නොඅඩුව පවතින තරගකාරී ස්වභාවය නිසා මේවන විට උගත්කම පසෙකලා සහතිකයකට එසේත් නැතිනම් තම පෞද්ගලික අපේක්ෂාවන් පතා මේ සඳහා පෙල ගැසෙන හිස් ගෙඩි සංඛ්‍යාවේ කැපී පෙනෙන වර්ධනයක් දකින්නට ඇත. එදා තිබූ අධ්‍යාපන ක්‍රමයෙන් මිනිසා ලබා ගන්නා දැනුම තමනට පමණක් නොව ඉන් බාහිර සමාජයටද ඵලදායී සේවාවක් සැපයීමටද පරිසරයක් නිර්මාණය  චී තිබුණි. එහෙත් නව අධ්‍යාපන සංස්කෘතිය තුල මුදල ප්‍රධාන කොට පිරිනමන සහතික නිසා සමහර පුද්ගලයින් විදේශ රැකියා, හෝ උසස් අධ්‍යාපනය ලබා ගැනීමට යාමේදී මෙවැනි බොහෝ ආයතන රජයේ පිලිගැනීමේ අනුමැතිය නොතිබීම නිසා ලබාගත් සහතිකයේ නියම වටිනාකම මෙන්ම ආයෝජිත මුදල සහ...

ශ්‍රී ලංකාවේ ජනතාව කොතරම් උගත්කමක්, වත්පොහොසත්කමක්, පවුල් පසුබිමක් අත්දැකීම් තිබුණද චන්දදායකයෙකු ලෙස චන්දය භාවිතා කිරීමේදී ලාංකික ජනතාව හැසිරී තිබෙන ආකාරයනම් ගෝත්‍රික මානසිකත්වයෙන් බව පෙනෙන්නට ඇත.  අතීත ලංකාවේ සිටියේ උගතුන්ට වඩා නිදහස් බුද්ධිමතුන්ය. ගොවිකම, වෙදකම, පෙදරේරුකම කුමන රැකියාවක නිරත වුවද ආගම, ක්‍රීඩාව, සෞන්දර්යය, කලාව වැනි විෂයයන් ගැන අවබෝධයක් රසවිඳීමක නිදහස පොහොසත්කම ඔවුන් සතුව තිබුණි.  එදා ලැජ්ජාව බයට ලොකු වටිනාකමක් විය. වර්තමානයේ රැකියාවම අරමුණු කරගත් අධ්‍යාපන ක්‍රමවේද නිසා තමා හැදෑරූ විෂයයට පරිබාහිර දැනුමකට ගවේශනයකට කාල වේලාවක් නොමැතිකම නිසා වත්මන් ලාංකිකයා සංවේදී බවින් මිදී බාහිරින් ආරෝපනය වන රොබෝවරයෙක් වී ඇත. අද උගතාට ආගමක් දර්ශනයක් ගැන විශ්වාසයක් අවබෝධයක් නැත. සාහිත්‍ය කලාව ගැන රසයක් නැත. පොතක් පතක් කියවන්නට නාට්‍යයක් බලන්නට වෙලාවක් නැත. ආගමික පූජකවරයා පවා මුදල ප්‍රසිද්ධිය පසුපස හඹායාම මිස අධ්‍යාත්මික සංවර්ධනයක් දකින්නට නැත.  එම නිසා මිත්‍යාවෙන් මු`ඵ මහත් සමාජයම වෙලාගෙන ඇත. එවන් පසුබිමක ලංකාවේ දරුවන්ට ලිංගික අධ්‍යාපනයේ වැදගත්කම පිළිබඳව ඇතිවී ඇති කති...

     අප රටේ පොලිස් දෙපාර්තමේන්තුව කලින් කලට වරින් වර විවිධ මුහුණුවරින් ජනතාවගේ අවධානයට යොමුවීම සුලබ ලක්ෂනයකි. එම ආයතනයෙන් සිදුවන සේවාවන් ජනමාධ්‍ය තුල විවිධ මුහුණුවරින් ධනාත්මකසේම එම ප්‍රවෘත්තියම නිෂේධනාත්මකව පලවීමද දක්නට ඇත. එයට හේතුව මාධ්‍ය කරණයේදී පෞද්ගලික මාධ්‍ය ප්‍රධාණීන්ගේ අරමුණ වෙනුවෙන්ද, රාජ්‍ය දේශපාලන බලාධිකාරයේ ඕනෑ එපාකම් මතද මාද්‍ය හැසිරවීම පැහැදිලිවම පෙනෙන්නට ඇති නිසාය. එයට කදිම නිදසුනක් ලෙස වත්මන් ත්‍රිරෝද රථ හා බස්රථ වල අතිරේක උපාංග ඉවත් කිරීමට කටයුතු කිරීම පෙන්වා දිය හැක. සියලු මාධ්‍යවලට රටේ දැවෙන ප්‍රශ්ණය එයම හැර වෙන කිසිවක් නැත. එසේම හාස්‍යයට කරුණ නම් එම තත්වය ඉතා පැහැදිලිවම විකුර්ති කර ජනතාව එයට මැදිකිරීමේ අදහසින් පොර පිටියකට දමා රටේ අනෙකුත් ප්‍රශ්ණ යටපත් කිරීමට දෙපාර්ශවයම එකාවන් උත්සාහ දැරීමයි.  Clean Sri Lanka යනු එක් සංකල්පයකි. Clean Sri Lanka යනු තවමත් නිෂ්චිතව නිම නොකල අසම්පූර්ණ වැඩසටහනකි. අද වන විටත් එම වැඩසටහනට අදාළ වෙබ් අඩවියෙහි තොරතුරු නිවේදනය කිරීමට ඉදිරියේදී නියමිත බව පමණක් සඳහන්ව ඇත. එම නිසා Clean Sri Lanka රජයේ වැඩ පිලිවෙල සහ ත්‍රිරෝද රථ...

     එක් ජනපති මැතිවරණයක් අවසන් වී තවත් පාර්ලීමෙන්තුව මහ මැතිවරණයක් නොබෝ දිනකින් පැමිණීමට නියමිතය පසුගිය මැතිවරණයේදී පක්ෂ පෙරළියක් වී නැවුම් පක්ෂයක් බලයට පැමිණියද ඊට පෙර පැවැති මැතිවරණ වලදී මෙන්ම සිදු වූයේද වැඩියෙන්ම බොරුව සමාජගත කළ පක්‍ෂය රජ වීමයි. වෙනසකට ඇත්තේ පෙර පැවැති රජයන් ජනතාවට සහන ලෙස බොරු පොරොන්දු දී බලය ලබා ගැනීම සහ මෙවර සුළුවෙන් බොරු පොරොන්දුද වැඩියෙන් විරුද්ධවාදි පක්ෂ වෙත වෛරය, අවලාද ජනතාව තුළ ප්‍රචලිත කිරීමයි. අවසාන ප්‍රතිඵලය වූයේ ජනතාව පැරදී පැවති බොරුවම ජය ගැනීමයි. නිදසුනක් ලෙස ජවිපෙ නායක අනුර කුමාර විසින් කලක සිට කුමාර් ගුණරත්නම් ගැන, ලැම්බොගිනි, රත්ත්‍රන් කඩු, මුහුද ගොඩ කරන ව්‍යාපෘතිය සඳහා අවශ්‍ය ක`ඵගල් ....ආදී පැහැදිලි වීඩියෝ දර්ශන තිබියදීත් එවැන්නක් නොකී බවට ප්‍රකාශ කිරීම පෙන්වා දිය හැක. පරන්තන් කම්හලේ සල්ෆියුරික් අම්ලය නිෂ්පාදනය කිරීමෙන් ගබඩා පාලක, ලිපිකරු වැනි විශාල රැකියා සංඛ්‍යාවක් උත්පාදනය වන බව පවසා වැඩි දිනක් යාමට මත්තෙන් එයද මුසාවක් බව හෙලිවිය. ණය ගැනීමට නම් රටට නායකයෙක් ඕනදැයි ඇසූ අනුර රටේ ණය බිලියන ගණන මහ ලොකු ගානක්දැයි අසා දැන් සතියට දෙතුන් ...

දශක කීපයකට පෙර වැඩ සිටි භික්ෂූන් වහන්සේ නමක් උන්වහන්සේගේ පෞද්ගලික අදහසකට අනුව තමන් වැඩ සිටින පන්සල මුල් කොට ගෙන බෝධි පූජා සඳහා කවි පංති කීපයක් සකසා ගනු ලැබ ඇත. එහි ඇති කාව්‍ය රසය, උන්වහන්සේගේ තාලය මුල් කොට ගෙන එය උපාසක උපාසිකාවන් අතර එකළ ජනප්‍රිය වන්නට විය. පසුව එම භික්ෂූන් වහන්සේ අකාලයේ අපවත් වීමත් සමඟ මෙම වන්දනා ක්‍රමය යටපත් වුවත් එහි ඇති ආකර්ශනය නිසා සමහර පුද්ගලයන් පෞද්ගලිකව එය මුද්‍රණය කර නොමිලේ බෙදා හදාගත් අතර පසුව වෙළෙන්දන් විසින් පොත් ලෙස මුද්‍රණය කිරීම නිසා  ව්‍යාපාරයක් බවට පත් විය.  එයින් රටට, බුදු දහමට එතරම් හානියක් සිදු නොවුනත් පසුව කවියන් විසින් කැසට්පට සීඩී තැටි හරහාද පසුව තරුණ භික්ෂූන් විසින්ද බුදු දහමට අකැපැයි කියන (“නච්ච ගීත වාදිත විසූක දස්සන මාලා ගන්ධ විලේපන ධාරණ මණ්ඩන විභූසනට්ඨානා....) පසුබිම් සංගීතයද මිශ්‍ර කිරීමෙන් එම කවි පන්සල් තුල ගායනා කිරීම නිසා අකාලික බුදු දහමේ නොතිබුණ  කවි පද බුදු දහමට නොදැනීම ඇතුලත් විය. අද වන විට මේ හරහා පල්ලියේ මෙන් පන්සල තුලට සංගීතයද රිංගා ගෙන ඇත. එයට අනුව පිරිකර මතින් ඒ පන්සලේ භික්ෂුව මේ පන්සලේද, මේ පන්සලේ භික්ෂුව තවත්...