වර්තමාන ශ්රී ලංකාව රටේ සංවර්ධනය වෙනුවෙන් හඳුන්වා දුන් නවතම සංකල්පය Clean Srl Lanka නම් වේ. ඇත්ත වශයෙන්ම එය රටට පමා වී හෝ යෝජනා වීම කාලීන අවශ්යතාවයකි. එය රටේ තිරසාර සංවර්ධනයට රැකුලකි. එම නිසා Clean Srl Lanka වැඩසටහන පිළිබඳ වැඩිදුර අධ්යයනය කිරීම සඳහා මා උනන්දුවෙන් Clean Srl Lanka web site සහ රජයේ චක්රලේඛ පරිශීලනය කළෙමි. එහිදී ක්ලීන් ශ්රී ලංකා ව්යාපෘතිය තවත් සාර්ථක කර ගැනීම පිණිස මාගේ අදහස් කිහිපයක්ද රජය වෙත යෝජනා කරමි.
ශ්රී ලංකාවේ ආරම්භ වන බොහෝ ව්යාපෘති වැඩසටහන් නිවැරදි ඉලක්කයකට කරා යොමු කිරීමට නොහැකි වන්නේ එම වැඩපිළිවෙලෙහිම ඇති සුළු අතපසුවීම් අඩුපාඩුකම් නිසා අවසානයේ අනපේක්ෂිත අසාර්ථකත්වයකිනි. මෙම කටයුත්තේදී ද මට පෙනෙන විදියට ඇති විය හැකියයි සිතෙන ගැටලු අභියෝග කෙටියෙන් සඳහන් කරමි. උදාහරණයක් ලෙස Clean Srl Lanka වැඩසටහන සිංහල හා දමිළ භාෂාවෙන් බොහෝ ජනතාව දැනුවත් නොකිරීම හෝ වෙබ් අඩවි වලත් පහසුවෙන් සොයා ගැනීමට නොහැකි වීම.
කෙසේ වෙතත් මා කල සරල කෙටි අධ්යනයේදී දැක්ම මෙහෙවර තිබුණද එයට අදාල ක්රියාකාරී සැලැස්මක් කාල රාමුවක් දැක ගන්නටත් තිබුණානම් අගනේය. නිදසුනක් ලෙස රාජ්ය පරිපාලන චක්රලේඛ 22/2025ට අනුව සෙයිරී සතියක් නම් කළද සතියෙන් මාස තුනකට පසු කිරීමට නියමිත එනම් 2025 දෙසැම්පර් 04 පමණ සාකච්ඡාවේ ප්රගතිය සොයා බැලීමටත් එහි ප්රතිඵලත් ජනතාවට දැන ගන්නට තිබුණානම් ඉතා ඵලදායීයයි හැඟේ. එහි ප්රගතියත් සමඟ ජනතාවගේ සහයද වැඩි වෙනු ඇත. කෙසේ වෙතත් දෝෂ අඩුපාඩු විවේචනාත්මක ඇසින්ම නොබලා නිවැරදි විය යුතු යයි සිතෙන කරණු කීපයක් කෙටියෙන් සඳහන් කරමි.
Clean Srl Lanka දෑවැන්ත වැඩසටහනක් බැවින් එයට වෙන්වුන වගකිවයුතු ඒ පිළිබඳ මනා දැණුමක් ඇති නිළධාරියෙකුට වගකීම පැවරීම. දැක්ම මෙහෙවරට ප්රායෝගික/උපාය මාර්ගික සැලැස්මක්, කාල රාමුවක් සකසා, ඒ අනුව පසු විපරම් කිරීම, සැබෑ බලපෑම (Real Impact) ගණනය, ඒවා විශ්ලේශන කොට වාර්තා ගත කර අඩුපාඩු සැකසීමට අදාල අංශ දැනුවත් කිරීම. ප්රතිඵල මැණීම් විද්යාණුකූල ක්රමවේදයන්ට අනුව සිදු කිරීම ආදීය වේ. තවද ප්රධාන කාර්ය සාධන දර්ශක (Key Performance Indicators) වෙන් වෙන්ව හඳුනා ගැනීම. ඒ පිළිබඳව වැඩ සටහන ආරම්භ කිරීමට පෙර කාර්ය මණ්ඩල ප්රමාණවත් දැනුවත් කිරීම් පුහුණු කිරීම් සැසි පැවැත්වීම. කාලයක පටන් ලංකාවේ බොහෝ ආයතන නාස්තියට දූෂණයට හුරු වී ඇති නිසා වියදම් අඩු කිරීමට ලීන්(lean) නැමති සංකල්පය ක්රියාත්මක කිරීම ඉතා වටින්නේය. (lean) හි ප්රධාන මූලධර්ම පහට අමතරව එහි අති නාස්ති අටට අනුව විධිමත් ක්රමවේදයකින් Clean Srl Lanka වැඩසටහන කඩිනමින් ජනතාව අතර ප්රචලිතවීමට එය රුකුලක් වෙනු ඇත.
මෙවැනි රටට සෘජුව බලපාන දෑවැන්ත කටයුත්තකදී ලීන් (lean) කයිසන් (Kizen) වැනි ජාත්යන්තර පිලිගත් විද්යාත්මක ක්රමවේදයන්ට අනුකූලව මැනීම් ඇගයීම් කරන්නේ නම් ඒ සඳහා දේශීය විදේශීය විද්වතුන්ගේ සහය මෙන්ම ජාත්යන්තර ඇගයීම් වලටද පහසුවෙන් ලක් කරගත හැක. ඒ සඳහා Clean Srl Lanka ලීන් (lean) ක්රමවේදය හෝ එවැනිවූ පිළිගත් ක්රමයන් අනුගමනය කරන්නේ නම් වඩාත් ප්රතිඵලදායක වේ යයි සිතමි. (07 ජනවාරි 2026)
මුදිත එස්. පරණමාන
Comments
Post a Comment